我係咪一個窿?

寂寞時候跳舞..

雖然我唔識跳舞,
但好想試下落bar盡興跳舞,
放低哂所有心中0既不快..
我相信我會好high*

最近情緒0既低落,
一切都係來自學校0既人和事...
最後9日上課天,希望開心渡過*

有時好想問個天,
點解友情好似咁單向?
還是,我真係對人太差?
點解個個都唔相信我講0既野?
點解寂寞時搵我,開心時捨我而去?
我真係咁討厭嘛?

yo!

'教可以唔訓,書唔可以唔溫'
突然諗到呢句野,覺得好有意思呀!
呀!!!!!!!!!!!!!!!!!!!!!!!

人神交

最近精神上有好大衝擊
肉體上為著咁而受累...
主要係找到自己0既定位
了解到自己0既能力係幾咁有限

係完美型累事嘛?
硬係覺得諸事不順
處處覺得唔合乎自己心意
以前只對自己有挑剔
估唔到依家對別人都有不滿
卻想抑壓不滿,原諒別人
可惜調節唔到自己..
心理上,精神上不斷有矛盾
以致最近神化0既表現
日常生活因此而受影響

心情難以放鬆
但因同學仔0既1段youtube片
笑爆咀,鬆哂!*
續

最後的,詩歌比賽

今日係一年一度詩歌比賽
最後1次週會,最後1次詩歌比賽,
最後1次擔當伴奏
1小時45分鐘都懷住依依不捨0既心情...

為左呢個詩歌比賽,好辛苦
5隻手指都摑到損哂..好痛..
面對住懶懶散散0既同學
面對住如何演繹詩歌0既問題
面對住因以上煩惱生氣0既同學
面對住只係識投訴唔用腦0既同學
面對住冇老師支持,冇地方練習0既處境
仲有伴奏0既演繹方法我亦要面對..
最辛苦0既唔係生氣0既同學
其實係又生氣但又要堅持0既人..
好攰好攰..看似一切一切都唔關我事
我唔係主席,唔係班會職員,
亦唔係班中什麼核心人物
但卻為以上0既事而粗心
多餘,可能係我

為著要面對以上0既煩惱已經心力交瘁
7B班,7B班0既同學每次都令我失望
失望後我問自己點解仲堅持
每次問完後都會再有衝勁去解決問題
我想為自己留下一段美好回憶
我打波唔叻,壁報唔叻,性知識唔叻
我已經唔能夠為班做d咩
既然音樂係強項,好希望可以唱首好歌
做場good show,
我要全校老師都為著我地而感動
我要全校同學都對7B留下深刻印象
我要全班同學都好珍惜呢一段回憶
我要全班因此而團結起來
我要我做到全校最優秀0既司琴
可惜,我能力有限,地位少得微不足到
一切一切自己太過理想化,同現實中完全相反
甚至自己都對今次詩歌亦冇回憶
只係記得辛苦得黎又冇回報0既一件小事

一直自以為係出慣大場面0既我
一直自以為係伴奏高手0既我
今日,1個咁重要0既日子
我竟然甩音甩到數唔到咁多
枉我8級,枉我伴奏伴左7年,
枉我每次伴奏都攞獎,
枉我話彈琴來,彈琴走...
今日實在係一個恥辱..
何k熒,哼,我呸!

攞唔攞到獎唔重要
對於演奏家黎講[我講]
做唔做到自己要求,
能否發揮到自己應有水準先係最重要
但係我今日,做唔到,
仲係人生以來表現最差0既一次..
我冇盡責...

今日7B同學怨7B冇獎因為動作?聲量?
可能係因為伴奏辦事不力,出醜人前..
我知同學們好想攞獎,對不起,7B

最近的我

學校裡,
最近忙住詩歌比賽
為此,我已經'希'生左3隻手指
原來一切都係白費
實在太蠢喇我
點解經常為d唔值得0既事傷神?
仲有就係面對A-level考試
剛剛Bio做左個測驗"焦慮症"
焦慮症問題偏高,響起警號喇!
但係我唔知應該點做..
最近亦為著自己0既錯失而感到沮喪
化學實驗打爛野,做錯野
能力有限,唔好再自大喇何k熒!

家庭裡,
爸爸0既說話實在令人討厭
雖然有時佢亦有令我另眼相看0既時候
可惜真係太少太少,每次都又再令我討厭
佢又冇品,又自我中心,又自以為是..
面對住佢真係身受其害,
究竟幾時爸爸先會改變?
有時真係寧願自己係單親...
我明白呢種想法係好唔要得
不過同佢一齊生活真係好辛苦....
好唔鍾意返屋企,好唔鍾意叫佢一聲"爸爸"
好唔願意同佢講一句"唔該"同佢有任何交流..
直至佢識講一句"唔該",一句對唔住"
同埋好好清潔佢一個24小時有煙味0既口

朗誦後遺症X2

心底裡不斷諗住"面和心不和"5隻字,
明明就係唔鍾意我(地),
好想勸某同學唔好扮冇野...
不如直截了當當陌路人,慢慢疏離,
等您平伏哂心情,
可以接受到現實再重新做返好朋友...

剛上中六時,真係好高興認識到您,
估唔到可以做到好朋友,一齊打波一齊笑..
我明白我唔係一個完美0既朋友,
好感激您願意同我做朋友..
可能交情太淺,
至今呢小小衝擊就將我地拉開...

---
雖然,明明就要堅持自己0既立場,
科技真係發達,真係方便,日記就好似同人傾計咁,
剛剛睇到某同學0既日記,
容讓我對號入座,見到某同學0既歌詞日記...
同我早2日0既4個朋友圖畫不謀而合
好感動...流淚在心裡流...
朋友,一切在心中.....

好想放棄剛才0既己見....

仲有,終於搵到一直0係電台聽到果首歌,
估唔到原來咁令人感動..
忽然間,對於自己一直對爸爸0既反感,
感到慚愧...
***
陌生的背影

我只是能妒忌
同學有家護人去理
你跟母親 在當天三歲分離和背棄
你總需要工作
情懷近況無力說起
僅有幸福氣味
是當天七歲奉送我芭比

是最熟悉的背影
和最疏遠的那份情
用你贈我的玩具作證
一些關心過於無形
你愛我永不出聲
用電視聲音掩飾冷清

你不擅長說話
才令我的問題惡化
在這個家 侷促得可怕感情難進化
有天當我出嫁
明晨就要離別這家
所有自尊放下
就只得一次合照有爸媽

是最熟悉的背影
和最疏遠的那份情
是你贈我的獨特個牲
即使分得世間同情
欠缺了你的心境
剩下陌生的一聲笑聲

是最陌生的笑聲
和最親切一次共鳴
但那份笑聲未及細聽
好好珍惜你的神情
若日後沒有記認
剩下熟悉的滄桑背影

朗誦後遺症

最近2日0既心情真係差至極點.....
係我睇得自己太重要?
還是我肛紋星0既思想累事?

贏左場比賽,輸左份友誼
點解明明贏左場比賽應該好開心
反而依家比輸左更唔開心?
我自尊心強,唔鍾意別人冒犯自己,
我認為我同賢弟冇錯,只係努力去比賽
好似平時咁唸詩,好似平時咁大聲,做動作,
更冇陷你地於不義...
大家都係參賽者,平等0既機會,
評判唔會知道每1隊參賽者付出多少,
評判評0既只係臨場表現 ,
你地輸左仍然要問點解得唔到回報,
應該要問0既係你地臨場輸d咩...
事出必有因,評判唔比你地贏梗有佢0既原因
但係點解要問點解比我地贏?點解你地輸?
如果我地同你地一齊輸,你一樣會咁問嘛?

你地輸左怨運氣怨評判,
如果事實調轉,我地輸你地贏,
你地仲會怨嘛?
我地贏我唔排除同運氣有關
但係唔可以被定為100%靠運氣
我地冇練習過嘛?我地冇比心機唸好台詞嘛?
你地0係輸左唔開心同問咁多問題0既同時,
有冇理過我地0既感受?
老師,校長,同學替你地唔抵,
個個形容我地為"爆冷",
我地好受嘛?

估唔到0係疏淡左2段友誼0既同時,
我同賢弟0既友誼加深左...
賢弟,抱歉..
我知道贏左,應該開心先係,
我咁樣可能反而令你唔開心...
真係好攰好攰,我唔想返學..
我唔想面對住2位同學..

VS朋友

昨日0既朗誦比賽
自問唔係唸得好,亦自問唔係練得多..
我知身邊0既人都認為我地"爆冷"
我地唔值得攞呢個獎
甚至因為我地令隊友失落
一切一切都係我地0既錯
以上0既相信係好多人心中0既想法...
甚至我自己都係, 真係好難受
如果有得選擇,我唔想要咩獎項
我咩唔要..
我只係想得到1個人人都鍾意0既結果

在世上 沒有多少東西會盡如人意
雖然我認同"一分耕耘一分收穫"呢個道理
但係我唔認同認為自己付出左一分耕耘
就假設自己將會得到一分收穫
因為如果咁樣一直係咁諗,失敗時只會非常非常痛苦

今日面對住輸左0既同學,真係好難受
一切都係我地0既錯,係我地令您難堪..
係我地令您唔能夠有一分收穫
我願意比別人踩到一文不值令您感覺良好
我願意比人"沒殺"我同拍檔0既努力令您心情好轉
我願意做任何事想您原諒我

我知道當朋友係敵人時真係好痛苦
不過我一直都當您係朋友,而唔係敵人

"可愛"是這一個家

情,
可以令人愛
亦可以令人恨
一直相信爸爸會改過
總希望可以感化爸爸
可惜,不但唔珍惜我地
竟然懷疑相對>19年0既家人..

從前,因為"情"處處忍讓
即使對我四幾差幾差,
都盡量令你面對外人時有面子
每次為電腦而發難,為錢而發難,
為面子而發難,為自己0既工作壓力而發難
受了100000000000000個氣...
19年來,感情如此疏淡
從來冇當過係"家人"
既然如此,不如緣盡於此
對您0既情,已經唔再值得存在...
係您,將0係我心中對您0既情徹底毀滅

我的醜惡

我醜陋0既一面今日又展現出來
亦係我討厭自己0既原因..

我膽小,心底裡我真係好想打社籃
好想為社出一分力,好想同雞雞佢地一齊打,
好想贏..可惜,膽小心作崇...
我怕累輸真社,我怕別人笑我不請自來,
我明白我技不如人,所以我怕被取笑..
冇換到衫後0既一刻我真係後悔
但係既然已決定就放棄再諗!
權威性人格..面子問題.....

其次,今日睇波睇到好激動
不過已經比上年平靜XP
驚覺自己多事喇!
我好似正在履行責任中咁~
我決定聽日唔睇波,亦唔打波
同社活動斷絕任何交流...
我怕我內心會放唔低"哂"......
呢個責任已經放低1個月多喇
其實已經習慣...
因為,屬於我0既一切在心中
係好0既,1年時間就夠...
好開心某已故社職話仲當我係社長
好開心同佢地仍然可以有講有笑.....
縱然我地認識0既時間好短~

感想,社員大會當日已經講左~
唔多講,一切在心中,希望我,一切都0係您地心中。

打開心槍

在世上沒有多少東西會盡如人意

我地唔能夠隨意控制身邊0既事物
亦唔可改變別人0既想法
只為的是滿足自己,令自己開心
但係我地可以改變自己0既想法
降低一點點0既快樂準則
嘗試享受當中0既每分每秒
珍惜擁有0既一切,時間,人物,地點
我相信快樂離不遠了!
繼續貫徹呢個宗旨生活!

不在乎客觀的事 只在乎主觀的心
唔知0係邊到聽到句類似咁0既野!
擴闊我地0既心胸,生活易過d*

冷面

無奈始終要承認自己係冷血動物
點解可以毫無感情嫁?冷面帥匠-v-!

還是唔慣0係別人面前表達自己?
感情,對於我黎講真係唔可以收放自如...

最鍾意,最叻彈0既,係最冇感情0既歌!

想做,就做!

運動真係一個減壓好方法!
可以流盡哂成個禮拜0既汗~
扭過對手果種快感真係勁正*
雖然尋日今日都蝕抵左比對手XP
不過落得場鬥波,冇計啦=)

比起對住自己討厭0既人
甚麼親戚,甚麼老豆!難以忍受!
同Ball Games差天共地~
有幸今日頂唔順出口串人!
好爽*!

滴塔滴塔..

人愈大,變得愈來愈複雜
不論人際關係上,思想上還是感情上

愈懂得英文作文格式
愈中意句子上花巧,愈失敗
思考英文句法愈複雜,混亂

愈懂得處世之道
愈懂得如果認識朋友
愈容易失禮,說錯話,得罪人..

感情上,可能係腎上腺素釋放
容易諗歪,幸好我依然走正路!
一年來,某同學0既緋聞不絕
我怕,再繼續落去凡事會成真..
祈求上天放過我*

經歷著每1分,每1秒0既過去
無奈接受人要不斷成長,不斷變得複雜
複雜,實在令人憂慮,擔心,緊張,不安
害怕自己失敗,害怕自己感到抱歉
單純,簡單0既心,面對著無掛慮0既世界
大情大性,係幾咁好呢!

New try!

今日踢波;-)好爽!
好中意0係場上跑0既感覺!
好中意所謂得到"重視"0既感覺!
好中意可以忘我地踢0既感覺!
好中意好中意....
可以減壓,抒發最近不快0既情緒,
仲可以練好體能,為班際接力做好準備*
7B班,值得嘛?
朋友0既冷落,已經令我頹廢無比..
被漠視0既意見,總係出自別人0既咀先採納...
我總係咁不滯嘛?

指出左問題,就讓我自己既解決*!

-$v$-

XP標題要[+幻想]

今日"終於"去左報補習
成日掛0係咀邊,"錢係要黎洗0既"
實行到呢句說話喇!

平時成日講呢句就講得多,
實際上偏偏想幫阿媽慳荷包
"錢搵唔哂0既,A-level就得1次"
有道理有道理!!唔慳喇唔慳喇!!

錢係要黎洗0既!

0感

唔知點解最近冇咩特別感受.
攪到呢個blog冇咩睇頭!
之後既生活可能會正常返,
習慣返,會有多d'生活'心得,
希望以後做得返開blog既承諾,
1日1感受!唔需要多,中point就得XP

衝,前去

XD標題要唱!

話比自己知,要開始爆喇!
衝呀....................

做人家姐甚艱難..

兩個動作

縱使周邊既人都好留戀您,
好讚賞您,好回味您0既1切..
放低左就係放低左,唔再拎返起0
咁難得先放低,唔好再拎起喇..

拎得起 放得低呀社長.

做好呢份工!

我已經做好我呢份工,終於要放手喇!
唔好再回頭..如果唔係我會唔捨得.....

有始有終,社長

我快被貶為平民,快已故喇..
1年,原來就咁就過左~
由自己冇諗過做到社長開始,
1個奇蹟已經誕生左,
做到依家要走人,真係勁感慨..
356日既社長生涯,
甜酸苦辣,樣樣都經歷過,
係幾咁令人回味呢..

行d都要講,我成長左,學到好多野,
諗野細心左,處事熟左,難聽d講圓滑左,
應該係識講野左,做人多左責任感,
肯承擔,肯o係冇希望既時候創造希望
呢1年實施益良多...
我唔捨得離開呢1切1切..
唔捨得再聽唔到僅有既1聲"社長"..

社長.......................

2days left

倒數2天,我不是社長

主人~

要克服生活的焦慮和沮喪，得先學會做自己的主人。


主人：立即放低生活既焦慮和沮喪
唔好諗咁多,盡力做好自己應做既事
放鬆喲啦年輕人o

我正在生活,不是生存

DJ：你依家做緊d咩呀?
雲海：我依家生活緊,唔係生存0

人生於世上應追求快樂,幸福
當中得到既樂趣先讓我地生活得有意義
生活得到滿足,從中有所得著,
令我地能夠學習既 叫生活

人唔同動物,
我地要追求更高質素既生活
並唔係只為生存,唔係只為錢,權力
否則人生活就再冇意義

我都要生活..

我姓何

生氣是拿別人做錯的事來懲罰自己。


我恨姓何0既人, 我恨我姓何.

I can

“不可能”只存在於蠢人的字典裏。


0係我人生裡,甚至出自我把口,
有千千萬萬個不可能,我真係一個蠢人.

我要克服"不可能",我有可能係大學生!

續

最佳損友

好開心當eason想搵人分享佢既喜悅時 諗起我!

好朋友唔需要日日見面,像戀人般心裡有對方就可以喇.

做齣好戲!

好好扮演自己的角色，做自己該做的事。


人生如戲,要數扮演既角色,多的是..
o係學業上,工作上,家庭上等, 我依然係何k熒。
要問既係,我究竟做好我飾演既角色未?

依家好開始,做好自己既角色,迎接未來!
做好"該做的",相信係成功之路!
最有觀眾緣,最多認同自己既人。

"Do a good air!"

追

我深信學業有得追,情誼冇得追。

去水,脫氧

遊手好閒會使人心智生銹。


正式上課1個星期,自己仲不在狀態
明明知道時間無多,依然浪費時間。

拜託氧(懶惰怪)同水(玩魔)唔好煩住我,
我唔想生銹..

化了

你不能左右天氣，但你能轉變你的心情。


最近頻頻為各種各樣野而煩惱,
攪到自己經常鑽牛角尖,自己承受哂...
實在有點吃力,心力交瘁。

橫掂一切已成事實,只好想辦法補救,
凡事向好方面諗,輕鬆d啦香港人,何k熒。

打工仔

事業,家庭對於打工仔黎講
往往都係難以雙方兼顧.
其實我都係打工仔一族!
開學不久,開始有功課壓力,
我怕自己做唔好,怕老師失望..
讀書以外仲有真社最後既工作要做
另一方面,要每天按時湊妹妹
煮飯真係浪費唔少時間~
依家先發覺時間好寶貴,
過去左既,冇得再返轉頭,
我既中六生涯,社長生涯,6B生活..
通通追唔返...

我都好想有部時光機,回到一年前,
由2006年10月11日再黎過。

社事,心事

可能身邊既一切實在得來不易,
非常討厭某啲人講咩"內定",
輕挑地試都未面就準備做社長...

輕易得到既野您會珍惜嘛,社長?

我是剋星

我仆心仆命為我既真社
到頭來原來勁剋真社...
依家咩物資都冇哂,
10條命都唔夠死,
啦啦隊10連冠夢碎,
多得我既失策,警覺性低..
我既離開,係咪一件好事?

祝我19歲生日快樂

祝我生日快樂
今日10/9/07仲係我生日
19歲真好,新舊曆痴埋過...
好enjoy比人叫壽星女=]
好似好有特權,雖然事實上冇~

尋日既慶祝活動,
唔係,應該係閒聊活動,
教識我做人應該係不問回報!
其實本身自己都冇乜心理準備生日..
不過講真,果幾份生日禮物真係好中意-3-
深感有朋友陪過生日已經不錯=]
個天冇待薄我!起碼有人約...

事實教精我,1個人咩都冇所謂,
係會一事無成,我就係1個好例子,
尋日亦係1個好例子..~
續

The 19th Birthday

HAPPY BIRTHDAY TO ME!
莫名其妙,第19個生日倍感寂寞,
人地話人長大,認識朋友愈來愈多,
呢句說話o岩嘛?

生日,就係收成時,
今日我得到點樣既回報,
就看出我平時如何待人.

9/9/2007

Nice to meet you

hello!
It is the first time to come here.